Meri Rooh Me Jo Utter Saken

Meri Rooh Me Jo Utter Saken,Woh Mohabaten Mujhe Chahiye 
Jo Saraab Hon Na Azaab Hon,Woh Rafaaqatain Mujhe Chahiye 

Unhi Saa'aton Ki Tallash Hai, Jo Calenderon Se Utter Gayin
Jo Samey K Saath Guzer Gayin,Wohi Fursatain Mujhe Chahiye 

Kaheen Mil Saken To Samet Laa,Mere Roz-O-Shub Ki Kahaniyan 
Jo Gubaar-E-Waqt Mein Chup Gayin,Wo Hikaayatain Mujhe Chahiye 

Jo Meri Shabon K Chiraagh The,Jo Meri Umeed K Baagh The 
Wohi Log Hain Meri Aarzoo,Wohi Sooratain Mujhe Chahiye 

Teri Qurbaten Nahin Chahiyen,Meri Shairi K Mizaaj Ko
Mujhe Faaslon Se Dawaam De,Teri Furqatain Mujhe Chahiye 

Mujhe Aur Kuch Nahin Chahiye,Ye Duaaen Hain Mere Saaiban
Kari Dhoop Mein Kahin Mil Saken,To Yehi Chattain Mujhe Chahiye

Aitbar Sajid