Meri hasrat ke janazey ko uthaney wale
Kitne be-dard hain ye log zamaney wale
Koi apna nahi matlab ki hai duniya sari
Ab kahan miltey hain wo dost puraney wale
Main dua go hoon sada neendein hon mubarak tujhko
Hijar ka dard mujhe de ke jaganey wale
Bas yehi soch ke har baar manata hoon usey
Laut ke aatey nahi hain rooth ke janey wale
Un ke seeney mein kabhi jhaank ke to dekho Faraz
Kitne afsurda hain auron ko hansaney wale
No comments:
Post a Comment