saaNs lena bhi sazaa lagtaa hai
ab to marnaa bhii ravaa lagtaa hai
sar-e-bazaar hai yarooN ki talaash
jo guzartaa hai khafaa lagtaa hai
mausam-e-gul meN sar-e-shaaKh-e-gulaab
sho’la bhaRke to baja lagtaa hai
muskuraata hai jo is aalam meN
ba-Khuda mujhko Khuda lagta hai
itnaa manuus huuN sannTe se
koii bole to buraa lagtaa hai
anjum-o-maah ka kyaa zikr nadeem
mehr mohtaaj-e-ziaa lagta hai
Ahmed Nadeem Qasmi
No comments:
Post a Comment