Wednesday 13 July 2011

Dil Main Bikhre Howe Jaale Se Pareeshan Na Ho

Dil Main Bikhre Howe Jaale Se Pareeshan Na Ho
Mere Guzre Howe Saalo Se Pareeshan Na Ho,

Meri Awaaz Ki Talkhi Ko Gawara Kar Le
Mere Gustaakh Sawaloon Se Pareeshan Na Ho,

Maine Mana K Teri Aankheen Nahi Khulti Hain Magar
Din Nikalne De, Ujaaloon Se Pareeshan Na Ho,

Apni Zulfon Main Utarti Howi Chandi Ko Chupa
Mere Bikhre Howe Baalo Se Pareeshan Na Ho,

Aye Meri Nai Dost Main Bharpoor Howa Hoon Tera
Mere Maazi K Hawalo Se Pareeshan Na Ho,

Dekh Yoon Door Na Ho Mujh Ko Laga Le Dil Se
Tu Meri Rooh K Chaalo Se Pareeshan Na Ho,

Khud Ko Weeran Na Kar Mere Liye, Jaan Meri
In Pareeshan Khiyalo Se Pareeshan Na Ho....!

No comments:

Post a Comment