Friday 8 July 2011

Wada e Hoor Se Behlaye Huay Log Hain Hum

Wada-e-Hoor Se Behlaye Huay Log Hain Hum,
Khak Bolain Gain K Dafnaye Huay Log Hain Hum,
Yun Her Ek Zulm Pe Dum Seedhe Khare Hain,
Jesse Deewar Main Chunwaye Huay Log Hain Hum,
Uski Her Baat Pe Labaik Bhala Kiun Na Kahain,
Zar Ki Jhankar Pe Bulwaye Huay Log Hain Hum,
Jis Ka Ji Chahe Wohi Ungli Pe Nacha Laita Hai,
Jesse Bazaar Se Mangwaye Huay Log Hain Hum,
Hansi Aye Bhy Tu Hanste Huay Dar Lagta Hai,
Zindagi Yun Tere Zakhmaye Huay Log Hain Hum,
Aamaan Apna, Zameen Apni, Na Saans Apni Tu Phir,
Jane Kis Baat Pe Itraye Huay Log Hain Hum,
Jis Tarah Chahe Banale Humain Waqt Qateel,
Dard Ki Anch Pe Pighlaye Huay Log Hain Hum,

No comments:

Post a Comment