Aey Chara Gar E Shouq Koi Aisi Dawa Day

Aey Chara Gar E Shouq Koi Aisi Dawa Day,
Jo Dil Se Har Ik Shakhs Ki Chahat Ko Bhula Day,

Bas Dekh Lia Dunia K Rishtoon Ka Tamasha,
Mehlooq Se Umeed K Sab Deep Bujha Day,

Pakeeza Tamannain Bhi Lati Hain Udasi,
Har Zaoq E Talab, Shaoq E Tamanna Hi Mita Day,

IKK Main Hun Faqat Too Ho Or Aalam E Hoo Ho,
Aey Husn E Azal Sary Hijabat Utha Day,

Hai Rooh Ko Har Lamha Terey Wasl Ki Umeed,
Aa Zeest Ki Shab Ko Kabhi Subha Bana Day,