Itna Hi Yaad Rakh Mujhe....

Itna hi Yaad rakh Mujhe'

Jese kisi Kitaab mein'

Beete dinun k dost ka'

ik khat parra hua mile'

Lafz mite mite se hun'

Rang Urra Urra sa ho'

Lekin' Wo ajnabi na ho'

Uth kr Tere Gale lage'

beete dinun ki sab khata'

Bhoole hue tamaam dukh'

Guzre hue Tmaam sukh'

Tujh se kahe Aur Ro Parre.....

Dil Mera Ek Kitab Ki Surat

Dil Mera Ek Kitab Ki Surat
Jis Mein Wo Hai Ek Gulab Ki Surat
Hum Se Pocho Ke Hum Guzar Aae
Zindagi Ko Aazab Ki Surat
Husan Kachey Gharey Ka Shaidai Tha
Ishq Mouj e Chanab Ki Surat
Ishq Mein Is Tarah Nahi Hota
Ye Nahi Hai Nisab Ki Surat
Mein Kari Dopaher Ki Tanhai
Wo Shab e Mahtab Ki Surat
Pochta Hai Ke Meri Ghazlon Mein
Kon Hai Iztarab Ki Surat
Mein Wafa Ki Wohi Purani Kitab
Wo Nae Intesab Ki Surat
Jo Nahi Kar Sakey, Kabhi Wo Sawal
Us Ne Likha Hai Jawab Ki Surat

Noshi Gillani